سوي موقع الكتروني يجنن ابدقايق بس
أبني موقع إلكتروني كامل بمساعدة الذكاء الاصطناعي ابدقايق بس، وتكدر تربط عليه نظام استقبال حجوزات ودفع الكتروني، ونظام مجيب الي على الانستا والواتساب.
خلي نكون صريحين
شايف لمن تبدي اتسوق لمشروعك وعبالك الدنيا حتصير وردية بس بعدين تلكة نفسك غركان بالرسايل والاستفسارات، صايرة بيك ضلعي؟
كل يوم نفس السيناريو:
رسائل واسئلة متكررة، حجوزات مخربطة وبالاخير مضروب بوري، والزبون يجيك بعد شهر يريدك تتذكر اسمه.
وإذا فكرت تسوي موقع إلكتروني ونظام رد تلقائي رح تنقط وما حتستعمله اصلا كد ما كليومية طالعة شغلة صفح بالكود ولازم اتحير بيها
الحل عدنا أكِيد
واجهة رقمية مرتبة
يرادلك واجهة رقمية حتة تبني ثقة عد الزبون وحتة يدخل عليها ويعرف التفاصيل، واكيد يسويلك هاي الواجهة بدقايق وبدون ما تحتاج تعرف لا برمجة ولا تصميم.
حجوزات ودفع الكتروني
الزبون يشوف المواعيد المتاحة ويحجز ويدفع بنفسه، حتة يثبت حجزه وما يضرب بواري — كله من داخل الموقع التبني بأكِيد.
مجيب آلي على الانستا والواتساب
مجيب الي يجاوب، يحجز، وياخذ معلومات الزبون، خصوصا النحسين الي لازم يدردشون. وكل هذا باللهجة العراقية، يعني ابن اهلنا مو غريب.
أكِيد ملم بالسوق العراقي ويعرفه شيحتاج
فريق اكيد مو بس يريد يبيع منتج رقمي، احنا ناس موجودين بالسوق العراقي ومشتغلين على مشاريع مختلفة ونعرف الزبون العراقي شنو يحتاج وشون نتواصل وياه.
ف قررنا نحوّل هالمعرفة لمنتج رقمي بتقنيات جدا حديثة، حتة مو بس يحل مشكلة وانما يسوي نهضة.
طريقة استعمال أكِيد
انطينا معلومات عن شغلك
عرف أكِيد على عملك، شنو تقدم، والمن، وساعات العمل… بعدها الذكاء الاصطناعي يفهم ويبدي يشتغل.
حدد الستايل اغاتي
اشرح الأكِيد شنو الستايل الي تريد الموقع يظهر بي، كلاسك لو مودرن؟ الوان حساخنة لو باردة؟ وتكدر ترفع صور ك مثال.
اكيد رح يبدي يشتغل
خلال دقائق أكِيد يصمملك موقع احترافي يشتغل على جميع الاجهزة والشاشات
هسة نبدي نعدل ونربط
عدّل النصوص والالوان على مزاجك، واربط نظام حجوزات/فورمات، وبعدها تكدر تراسلنا حتة نربط الانستا والواتساب بالمجيب الآلي.
اكثر ناس أكِيد يفيدهم
المدربين ومراكز التدريب
سوي فورمات للتسجيل بالدورات والمحاظرات بنفس ستايل موقعك مع خيار الدفع الالكتروني بنهاية الفورم حتى محد يسجل وبعدين يضرب بوري.
العيادات والأطباء
الاطباء لازم يهتمون بالبيشنت، مو بالرسائل والحجوزات، ولا باستلام البواري من الزبون الماخذ موعد بس اخذته نومة الظهر
اي مشروع يحتاج موقع الكتروني
احنا نركز على المدربين والاطباء، بس الصراحة أكِيد ممكن يفيد هواية فئات اخرى، بس احنا انحب ذني الفئتين ونعرفهم زين
يعني بإختصار، أكِيد ايمَكّن ويعزز سياق العمل من عدة نواحي
- يسوي موقع بالذكاء الاصطناعي خلال دقائق بدون خبرة بالتصميم ولا بالبرمجة
- يخلّيك تستقبل حجوزات، تسجيلات بالفورم، ودفع الكترونيه هم. وحتى عن طريق المجيب الالي
- تحليلات وإحصائيات عن البيانات الي تتولد من خلال الموقع (قريباً)
شنو رئي العالم بأكِيد
"فكرة رائعة بصراحة، وأتكلم من تجربة ومعاناة سابقة... فعلاً نحتاج هذا الشي بالعراق."
"شغل ممتاز، عدكم تحديين لازم تحلونهم، وإذا حليتوا واحد منهم بس، راح تضيفون قيمة كبيرة للسوق."
"كلش عجبني اسم أكِيد"
باقات اشتراك أكِيد بسيطة ومناسبة
سواء توك بادي أو حاليا بمرحلة نمو، أكِيد اكو باقة مناسبة.
ابدأ ابلاش
- واجهتين نشطتين للموقع
- 20 رصيد استعمال الذكاء الاصطناعي داخل أكِيد
- سحب الأموال خلال أسبوع
الباقة الأساسية
- 6 واجهات نشطة
- 250 رصيد استعمال الذكاء الاصطناعي داخل أكِيد
- سحب الأموال خلال 3 أيام
الباقة الاحترافية
- 12 واجهة نشطة
- 500 رصيد استعمال الذكاء الاصطناعي داخل أكِيد
- سحب الأموال بنفس اليوم
استفسارات واردة
هل فعلاً ما أحتاج خبرة تقنية؟
أكِيد، ما تحتاج! النظام مصمم بحيث أي شخص يكدر يستخدمه. إذا تعرف تستخدم الواتساب، تكدر تستخدم أكِيد.
كم يستغرق بناء الموقع؟
دقائق بس.
شنو يصير إذا زبائني يزيدون؟
هذا أحسن شي! أكِيد مصمم بطريقة اتخلي المواقع المبنية من خلاله تتحمل الزخم المفاجئ بدون اي اشكال.
بياناتي آمنة؟
أكِيد. نستخدم أعلى معايير الأمان لحماية البيانات ومعلومات الزبون.
جاهز تبدي وية أكِيد؟
كومة شركات ومشاريع عراقية تنتظر إنطلاق أكِيد. انضم الهم وسجل بقائمة الانتظار. رح تحصل وصول مبكر وعروض حصرية.